რამდენიმე დღის წინ დავით გარეჯის ტერიტორიაზე გამოჩენილი, აზერბაიჯანულ ენაზე დაწერილი წარწერის “სამშობლო ჩემი გულია”-ს შესახებ შალვა ნათელაშვილი დავით გარეჯის სამონატრო კომპლექსიდან განცხადებას ავრცელებს.
მისი თქმით, ეს წარწერები გამოფინეს ალიევის შეიარაღებულმა ძალებმა, ხოლო გუგლის რუკებზე, ტერიტორიები, რომლებიც ისტორიულად საქართველოს შემადგენლობაში იყო, მოექცა აზერბაიჯანის მხარეს.
ნათელაშვილი ამბობს, რომ ივანიშვილმა პირდაპირ მიჰყიდა დავით გარეჯი პრეზიდენტ ალიევს, ამ უკანასკნელმა კი მიიტაცა ტერიტორია. პირველი ლეიბორისტი ალიევს მოუწოდებს, უკან დააბრუნოს საქართველოს კუთვნილი მიწები, საწინააღმდეგო შემთხვევაში, არ შეიძლება, ერთი მხრივ, მოკავშირეები გვეწოდოს, მეორე მხრივ კი, მიწების ანექსია ხორციელდებოდეს.
ლეიბორისტების ლიდერი აცხადებს, რომ ეს პრობლემა არ ეხება აზერბაიჯანელ ხალხს, ეს ეხება მხოლოდ მთავრობებს და ქართველი და აზერბაიჯანელი ხალხი ისევ ისე მეგობრულად და ძმურად გააგრძელებს თანაცხოვრებას.