საგარეჯოს “ჯეო ჰოსპიტალისა” და ბოჭორიშვილის კლინიკის ექთანს ვირუსისთვის დამახასიათებელი არცერთი სიმპტომი არ აქვს.
“გვქონდა დადებითი პასუხი, შემდეგ კლინიცისტების ჩარევის შემდეგ ჩატარდა განმეორებითი ტესტირება და მივიღეთ უარყოფითი პასუხი. თუმცა, ასეთ შემთხვევაში საჭიროა უფრო ღრმა კვლევა ჩატარდეს. ეს არის ჩვეულებრივი სამედიცინო შემთხვევა, როდესაც ექიმი, თავისი სამედიცინო შეხედულებისამებრ იღებს გადაწყვეტილებას კვლევის გაგრძელებაზე. მას არც ლაბორატორიული და არც სხვა კლინიკური სიმპტომატიკა არ აღენიშნება. ამიტომ მოხდა კვლევის განმეორება,”- აცხადებს აკადემიკოს ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარე, მაკა სოლოღაშვილი.
ექთანთან კონტაქტში მყოფი უკვე 50-მდე პირია მოძიებული. შეგახსნებთ, რომ აღნიშნული მედიკოსი ბოჭორიშვილის კლინიკასა და კახეთის “ჯეო ჰოსპიტალსის” თანამშრომელია.