უაღრესად გამაკვირვა ამ თქვენმა ციფრებმა და დავინტერესდი უბრალოდ, რა კვლევაზე საუბრობდით და მინდა გითხრათ, რომ უბრალოდ იტყუებით, – ასე უპასუხა გიორგი გახარიამ სალომე სამადაშვილის კითხვას ნატოში საქართველოს გაწევრიანების შესახებ ჩატარებულ კვლევასთან დაკავშირებით.
მისი თქმით, კვლევის კითხვა ასე ჟღერდა: როგორ ფიქრობთ, უნდა გახდეს თუ არა საქართველო ნატოს და ევროკავშირის წევრი მაშინაც კი, თუ ეს რუსეთთან ურთიერთობას დაძაბავს და გამოიწვევს ომს,
„უაღრესად გამაკვირვა თქვენმა ამ ციფრებმა და უბრალოდ დავინტერესდი, რა კვლევაზე საუბრობდით. მინდა გითხრათ, რომ უბრალოდ იტყუებით. ახლა გეტყვით, რატომ. ამ კვლევაში, რომელიც ჩატარებულია „ტრანსფერენსის“ მიერ, როგორც მივხვდი, ქალბატონო სალომე, მინდა, ჩვენს ტელემაყურებელს ვუთხრა, როგორ არის, რა კითხვაზე იყო პასუხი გაცემული – როგორ ფიქრობთ, უნდა გახდეს თუ არა საქართველო ნატო-სა და ევროკავშირის წევრი მაშინაც კი, ქალბატონო სალომე, თუ ეს რუსეთთან ურთიერთობას დაძაბავს და გამოიწვევს ომს – აი, ასეთი ფორმულირების კითხვის, აი, ასეთი პროვოკაციული ფორმულირების პირობებშიც კი, მოსახლეობის 60 პროცენტი მხარს უჭერს საქართველოს ევროატლანტიკურ ინტეგრაციას. საბედნიეროდ, არსებობს სხვა ბევრად უფრო დამაჯერებელი კვლევებიც, სადაც საქართველოს მოქალაქეების 70-75 და 80 პროცენტის მხარდაჭერა, როგორც ნატო-ში გაერთიანების, ასევე ევროკავშირში ინტეგრაციისადმი არ ჩამოსულა. გმადლობთ ამ შესაძლებლობისთვის, რომ კიდევ ერთხელ ხაზი გამესვა ჩვენი მოქალაქეების ამ პოზიციისთვის“, – განაცხადა გიორგი გახარიამ.