მწერალი, პუბლიცისტი, სამოქალაქო აქტივისტი და „მოძრაობა მომავლისთვის“ დამფუძნებელი თეონა დოლენჯაშვილი „პრაიმტაიმთან“ აცხადებს, რომ ერთსქესიანი ქორწინების წინააღმდეგია, რადგან ამით მესამე პირის უფლებები ირღვევა.
„კონსტიტუციის დიდი ჭრა-კერვა მიმდინარეობს, რაც არის ჩაწერილი ისიც არ სრულდება.
მე თვითონ ვერ ვიქნები რომის პაპზე მეტი კათოლიკე და მაშინ, როცა ცნობილი გეი წყვილები დოლჩე და გაბანა, თუ სხვები ამბობდნენ, რომ ეს არის ბუნების კანონზომიერების დარღვევა, პრინციპში ვიზიარებ ამ აზრს.
თუ უკვე გაქვს უფლება იშვილო ბავშვი, ამ შემთხვევაში ირღვევა მესამე პირის, ბავშვის უფლება. ჩემთვის ყველა ადამიანის უფლება და თავისუფლება არის წმინდათაწმინდა და უნდა იყოს ყველანაირად დაცული, თუმცა მესამე პირის, ბავშვის შემთხვევაში, მისდაუნებურად ხვდება ამ გარემოში, ირღვევა ვისი უფლებები და ვეწინააღმდეგები ერთსქესიან ქორწინებას.
სხვა შემთხვევაში რა თქმა უნდა ყველანაირად მივესალმები ყველა ადამიანის სრულ თავისუფლებას,“ – განაცხადა თეონა დოლენჯაშვილმა.
“ზოგჯერ ცუდი ინტერპრეტაცია ეძლევა იმას, რაც ადამიანს არ უთქვამს. ერთსქესიანთა ქორწინებაზე იყო შეკითხვა, ეს კონკრეტულად ამ თემაზე მისი კომენტარია, მხოლოდ ქორწინებაზე და არა იმაზე, რომ ლგბტ უფლებები უნდა იყოს დაცული, ამაზე ყველა ვთანხმდებით. ამ ადამიანებისთვის ცხოვრების ყოველი დღე ჯოჯოხეთია. ასე ფიქრობს მამუკა ხაზარაძეც,”– განაცხადა დოლენჯაშვილმა.