ყოფილი პრემიერ-მინისტრი გიორგი კვირიკაშვილი აცხადებს, რომ 8 წლის განმავლობაში „ქართულმა ოცნებამ“ ბევრი დადებითი გააკეთა და ის პოლიტიკური ველიდან არ უნდა გაქრეს და არც გაქრება. ამის შესახებ მან „TV პირველთან“ საუბარში განაცხადა.
მთავრობის ყოფილი მეთაურის თქმით, მას უკვირს იმ პოლიტიკოსების, რომლებიც აცხადებენ, რომ ქვეყანამ 8 წელი დაკარგა.
„ძალიან სწორი იქნება, თუ შეიქმნა ისეთი კოალიცია, სადაც განსხვავებული აზრები და იდეების ჭიდილი იქნება. მგონია, რომ „ოცნება“ არ დატოვებს პოლიტიკურ ველს და არ გაქრება. არც უნდა გაქრეს – ამ წლების განმავლობაში „ქართულმა ოცნებამ“ ბევრი დადებითი გააკეთა. მე მიკვირს იმ პოლიტიკოსების, რომლებიც აცხადებენ, რომ ქვეყანამ 8 წელი დაკარგა. არასწორია იმის თქმაც, რომ მანამდე ქვეყანამ 9 წელი დაკარგა. ყველას აქვს თავისი მიღწევები და სუსტი მხარეები“, – აცხადებს კვირიკაშვილი.