ჟურნალისტი მერაბ მეტრეველი, სოციალურ ქსელში გიგა ბოკერიას შესახებ წერს:
„გიგა ბოკერია ხელისუფლებაში რომ იყო, ჯერ კიდევ მაშინ რამდენჯერმე ვთხოვე გადაცემაში მოსვლა. დამპირდა, თუმცა არ მოვიდა (ან ვერ მოვიდა). 2012 წლის არჩევნების მერე, როცა ხელისუფლება დაკარგეს, კიდევ ერთი მესიჯი გავუგზავნე: „ახლა მაინც მოდი გადაცემაში“, თუმცა დამაიგნორა.
იმის მერე დღემდე არ მოსულა. ამას წინათ „პალიტრაში“ შემხვდა და ვკითხე, ერთხელ მაინც რატომ არ მოხვედი ჩემს გადაცემაში-მეთქი?
მიპასუხა: მაშინ არჩევნები რომ წავაგეთ და ნიშნისმოგებით მომწერე, „ახლა მაინც მოდიო“, მაგიტომ არ მოვდივარო.
რვა წელი დაუმახსოვრებია ერთი უწყინარი მესიჯი. არადა, ნიშნისმოგებით ნაღდად არ მიმიწერია.
ჰო, ბოლოს დაამატა, „შესაბამისად მაშინ მოვალ, როცა არჩევნებს მოვიგებო“
ჰოდა, ახლა ვფიქრობ, მგონი დავრჩი მისი სტუმრობის გარეშე,“ – წერს მერაბ მეტრეველი.