ჟურნალისტმა ნოდარ მელაძემ სახელმწიფო უსაფრთხოების სამსახურის შენობა დატოვა, სადაც ის გიორგი გაბუნიას მკვლელობის მომზადების საქმესთან დაკავშირებით გამოკითხვაზე იმყოფებოდა.
ნოდარ მელაძის თქმით, კითხვები ეხებოდა, იმას თუ როდის გაიგო მან გიორგი გაბუნიას მკვლელობის მომზადების შესახებ ინფორმაცია და მიიღო თუ არა ეს ინფორმაცია უშუალოდ გიორგი გაბუნიასგან. ასევე, მისი თქმით, სუსს აინტერესებდა ვისი ინიციატივით მოხდა ამ თემაზე სიუჟეტის მომზადება და რა დოკუმენტები არის მათ ხელში.
“ყველა ამ კითხვაზე პასუხი არის ერთი – სისხლის სამართლის საპროცესო კოდექსის 50-ე მუხლი გვაძლევს საშუალებას, ჩვენი ჟურნალისტური საქმიანობის ფარგლებში მოპოვებული ინფორმაციის შესახებ, არ მივცეთ ჩვენება, ასე ჩაიწერა ჩვენებაში,“- განაცხადა ნოდარ მელაძემ.
კომენტარები