შინაგან საქმეთა მინისტრის მოადგილე, ვლადიმერ ბორცვაძე გიორგი შაქარაშვილის საქმის ახალ დეტალებზე საუბრობს. მინისტრის მოადგილე განმარტავს, რომ გავრცელებული ინფორმაცია თითქოს შსს-ს საზოგადოებასთან ურთიერთობის დეპარტამენტის უფროსმა, ნინო გიორგობიანმა, შაქარაშვილის საქმის ერთ-ერთ მოწმეს იკობ ბრეგაძეს შემთხვევის ადგილზე “შკოდის” მარკის მანქანა გაუგზავნა, სიცრუეა. მისი თქმით მანქნა, რომელიც აღქმული იყო როგორც “შკოდა” რეალურად ” ტოიოტა პრიუსის” მარკის ტაქსია.
„ტყუილია, რომ ნინო გიორგობიანმა გელაშვილი „შკოდას“ ფირმის მანქანით გააგზავნა იაკობ ბრეგვაძის წამოსაყვანად. ეს გამოძიებით დადასტურებულია. აქ კითხვის ნიშანი აღარ არსებობს. გამოძიებით დადგინდა, რომ ის კადრები, სადაც „ვითომ“ „შკოდა“ მოძრაობს და ავტომანქანაში ისვამს მოქალაქეებს „ტოიოტა პრიუსის“ , ტაქსია. დადასტურდა, რომ გელაშვილი იმ ღამეს მორიგე არ იყო და მის საცხოვრებელ სახლში იმყოფებოდა.
რაც შეეხება მის კომუნიკაციას იაკობ ბრეგვაძესთან და მის ოჯახთან. რამდენადაც ჩემთვის ცნობილია შემთხვევის დღეს და შემდეგ, რამდენიმე დღის მანძილზე ნინო გიორგობიანს კომუნიკაცია არ ჰქონია.
იაკობ ბრეგვაძე საქმეში დაზარალებულის სტატუსი აქვს მინიჭებული, ვინაიდან მის მიმართ ძალადობრივ ქმედების განხორციელებას ჰქონდა ადგილი,“ – განაცხადა ვლადიმერ ბოცვაძემ.