გიორგი შაქარაშვილის საქმის ერთ-ერთმა მთავარმა მოწმემ, რომელიც 18 ივნისი წვეულების მთავარი ფიგურანტი იყო, ანა გაბეჩავამ შინაგან საქმეთა სამინისტრო დატოვა, ის უწყებაში 7 საათის განმავლობაში იმყოფებოდა. როგორც ანა გაბეჩავა ამბობს, სამინისტროში მისთვის კითხვები არ დაუსვამთ, მხოლოდ მისი სოციალური ქსელი შეამოწმეს.
„კითხვები არ დასმულა. უბრალოდ ჩემი სოციალური ქსელები შეამოწმეს“, – განაცხადა გამოკითხვის შემდეგ ანა გაბეჩავამ.
კითხვაზე, ჰქონდა, თუ არა ანა გაბეჩავას ამ საქმის სხვა ფიგურანტებთან მიმოწერა, ადვოკატმა განაცხადა, რომ გამოძიების ინტერესებიდან გამომდინარე, ამაზე ვერ ისაუბრებს.
ცნობისთვის, 19 წლის ფეხბურთელის, გიორგი შაქარაშვილის გარდაცვალების საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ.
კომენტარები