„სამწუხაროდ, არის მძიმე მემკვიდრეობა, რაც ჩვენს საზოგადოებას მოჰყვება და ჭაკუა არის ამ მემკვიდრეობის ერთ-ერთი მთავარი მაგალითი. ადამიანები, ვინც აწამებდნენ მოქალაქეებს, კლავდნენ, ვინც არღვევდნენ კანონმდებლობას, ინათლებოდნენ ოპოზიციის ლიდერებად, რიგ შემთხვევაში ჟურნალისტებად, რიგ შემთხვევაში კი, პროგრესის მხარდამჭერებად, – განაცხადა საქართველოს პარლამენტის თავმჯდომარემ, არჩილ თალაკვაძემ ჟურნალისტებთან საუბრისას.
„გერმანიის ხელისუფლების ამ გადაწყვეტილებამ ჩვენ კიდევ ერთხელ დაგვარწმუნა იმაში, რომ ადამიანის უფლებების მძიმე დარღვევები, ღირსების, საკუთრების უფლების შელახვა, მკვლელობები და სერიოზული კრიმინალი, რაც ხდებოდა, არ შეიძლება დავივიწყოთ“, – აღნიშნა არჩილ თალაკვაძემ.
ძებნილი დავით ჭაკუა გერმანიიდან საქართველოში 3 ივლისს ჩამოიყვანეს. მას დაუსწრებლად მისჯილი აქვს 3 წლისა და 9 თვის ვადით თავისუფლების აღკვეთა, ჯარიმა და ასევე ჩამორთმეული აქვს სახელმწიფო სამსახურში დანიშვნითი თანამდებობის დაკავების უფლება.