კვიპროსის რესპუბლიკაში საქართველოს საელჩო ქვეყანაში მყოფი საქართველოს მოქალაქეების საყურადღებოდ ინფორმაციას ავრცელებს.
საელჩოს ცნობით, სპეცრეისი ლარნაკა-თბილისის მიმართულებით (კვიპროსის რესპუბლიკის საიმიგრაციო სამსახურის ორგანიზებით) შედგება 30 ივლისს. რეისს შეასრულებს ავიაკომპანია „საქართველოს ავიახაზები“.
გამგზავრების დრო: 13:00 სთ. (კვიპროსის დროით), ჩაფრენის დრო: 16:10 სთ. (საქართველოს დროით). ლარნაკას საერთაშორისო აეროპორტში მგზავრები უნდა გამოცხადდნენ 10:00 სთ.-ზე.
თითოეულ მგზავრს აქვს 23 კგ.-იანი ჩასაბარებელი ბარგისა და 8 კგ.-იანი ხელბარგის წაღების უფლება.
საელჩოს ინფორმაციით, საქართველოში ჩასვლის შემდეგ ყველა მგზავრი გაივლის 14-დღიან სავალდებულო კარანტინს.
კომენტარები