აშშ-მა სირიის ოთხ მოქალაქეს, მათ შორის ბაშარ ასადის შვილს, ჰაფეზ ასადსა და 10 ორგანიზაციას სანქციები დაუწესა. ამის შესახებ აშშ-ის ხაზინის დეპარტამენტში განაცხადეს.
აღსანიშნავია, რომ სანქციები ასევე დაუწესდა სირიის შეიარაღებული ძალების 1-ელ სატანკო დივიზიას.
სანქციების დაწესება „ცეზარის კანონის“ ფარგლებში მოხდა, რომელიც სირიის ეკონომიკის ყველა სფეროს მიმართ სანქციებს მოიცავს. აღნიშნული კანონის ფარგლებში აშშ-მა სანქციები ბაშარ ასადის მეუღლესა და დასაც დაუწესა.
კომენტარები