ალეპოს მახლობლად ჰუმანიტარულ დახმარებით დატვირთული ავტოკოლონა დაბომბეს. სირიელი ოპოზიციონერი აქტივისტების მტკიცებით, ავიადარტყმა სირიისა და რუსეთის სამხედრო თვითმფრინავებმა განახორციელეს. დაუდასტურებელი ინფორმაციით, დაღუპულია 12 ადამიანი.
ჰუმანიტარული ავტოკოლონა გაერო-სა და “წითელი ნახევარმთვარის” სირიული განყოფილების მიერ იყო ორგანიზებული, დახმარება ამბოხებულების მიერ კონტროლირებად რაიონში უნდა ჩაეტანათ.
გაერო-ს წარმომადგენლის ინფორმაციით, ავიადარტყმის შედეგად 31 სატვირთო მანქანიდან დაზიანდა 18 მანქანა.
კომენტარები