აშშ-ის პრეზიდენტი ბარაკ ობამა მიიჩნევს, რომ რუსეთი დაკარგული დიდების აღდგენას ძალის გამოყენებით ცდილობს. ამის შესახებ აშშ-ის ლიდერმა გაერო-ს გენერალური ასამბლეის 71-ე სესიაზე სიტყვით გამოსვლისას განაცხადა.
“მსოფლიოში, რომელშიც იმპერიების პერიოდი წარსულს ჩაბარდა, რუსეთი ცდილობს ძალის გამოყენებით დაკარგული დიდება აღადგინოს”, – აღნიშნა ობამამ.
“თუ რუსეთი გააგრძელებს თავისი მეზობლების საქმეებში ჩარევას, მისი საკუთარი საზღვრები კიდევ უფრო დაუცველი გახდება”, – განაცხადა აშშ-ის პრეზიდენტმა.
აშშ-ის ლიდერმა ასევე კატეგორიულად გამორიცხა სირიის კონფლიქტის სამხედრო გზით დარეგულირების შესაძლებლობა. მისი თქმით, სირიის ხუთწლიანი კრიზისის დასრულება მხოლოდ დიპლომატიური გზით არის შესაძლებელი.
“აქ არავინ გაიმარჯვებს. ჩვენ მოგვიწევს დავკავდეთ დიპლომატიის მძიმე სამუშაოთი, რათა შევაჩეროთ ძალადობა და მივაწოდოთ დახმარება მათ, ვინც მას საჭიროებს”, – აღნიშნა ობამამ.