თურქეთის პოლიციამ ორგანიზაციამ გიულენისტურ ტერორისტულ ორგანიზაციასთან (FETÖ) კავშირის ბრალდებით, 104 ეჭვმიტანილი დააკავა, – ამის შესახებ ადგილობრივი მედია წერს.
სტამბოლის მთავარმა პროკურატურამ სულ 123 ეჭვმიტანილის დაკავების ბრძანება გასცა. მათ დასაკავებლად რამდენიმე ოპერაცია ჩატარდა; სტამბულსა და 13 პროვინციაში ჩატარებული ოპერაციებისას, 47-დან 31 ეჭვმიტანილი დააკავეს, მეორე ოპერაციისას, 76-დან 59 ეჭვმიტანილის დაკავება შეძლეს, დანარჩენები კი, კაისერის პროვინციაში აიყვანეს.
დაკავებულთა შორის, სამოქალაქო პირებთან ერთად, მოქმედი სამხედროებიც არიან.
თურქეთის ხელისუფლება ფეთჰულა გიულენს 2016 წელს სამხედრო გადატრიალების მცდელობის ორგანიზებაში ადანაშაულებს. დაპირისპირებას მაშინ 251 ადამიანი ემსხვერპლა, 2 200-მდე კი, დაშავდა. თურქეთის ხელისუფლების მტკიცებით, სახელმწიფო წესრიგის დამხობის მიზნით, გიულენის ორგანიზაცია გრძელვადიან კამპანიას აწარმოებდა. თავად გიულენი სამხედრო გადატრიალების მცდელობასთან ყოველგვარ კავშირს უარყოფს. ის ამ დრომდე აშშ-ში ცხოვრობს.