აშშ-ის ჩრდილოეთ კაროლინას შტატში, ქალაქ შარლოტში საგანგებო მდგომარეობა გამოცხადდა. უკვე მეორე დღეა ქალაქში მასობრივი საპროტესტო აქციები მიმდინარეობს. ადგილობრივი მოსახლეობა სამართალდამცველების მხრიდან ფერადკანიანი მამაკაცის მკვლელობას აპროტესტებს.
არსებული ინფორმაციით, 43 წლის კიტ ლამონტ სკოტი გუშინ საავადმყოფოში მას შემდეგ გარდაიცვალა, რაც ის პოლიციელმა დაჭრა. პოლიციის ცნობით, მამაკაცი შეიარაღებული იყო, თუმცა დაღუპულის ნათესავები ამას კატეგორიულად უარყოფენ.
ბი-ბი-სის ცნობით, შარლოტში ამჟამად ეროვნული გვარდიაა მობილიზებული.
კომენტარები