აშშ-ში, ტეხასის შტატში მდებარე ტრავისის ტბაზე დონალდ ტრამპის მხარდასაჭერი ღონისძიება იმართებოდა, რა დროსაც ნავები ჩაიძირა, – ამის შესახებ Reuters-ი წერს.
დაზიანების ან გადაუდებელი დახმარების შემთხვევები არ დაფიქსირებულა, – განაცხადა ოსტინის სასწრაფო სამედიცინო სამსახურის წარმომადგენელმა, კრისტა სტედმენმა.
ჯამში, ოთხი ნავია ჩაძირული.
ტრევისის ტბა მდინარე კოლორადოს აუზს მიუკუთვნება, რომელიც პოპულარული ადგილია ნავით სასეირნოდ, თევზაობისთვის, ცურვისა და სხვა გასართობი ღონისძიებებისთვის.
საპრეზიდენტო არჩევნები აშშ-ში 3 ნოემბერს გაიმართება.
კომენტარები