28 სექტემბერს, ცოფთან ბრძოლის საერთაშორისო დღესთან დაკავშირებით, ცხოველთა მონიტორინგის სააგენტო შინაური ცხოველების ანტირაბიულ (ცოფის ვირუსის საწინააღმდეგო) ვაქცინაციას, დედაქალაქის მასშტაბით, ორ მისამართზე ჩაატარებს. ცხოველების მეპატრონეებს, მიმკედლებლებსა და დაინტერესებულ მოქალაქეებს შესაძლებლობა ექნებათ, ცხოველებს ანტირაბიული აცრა უფასოდ ჩაუტარონ, – ინფორმაციას ცხოველთა მონიტორინგის სააგენტო ავრცელებს.
სააგენტოს ავტომობილი მისამართებზე შემდეგი განრიგის მიხედვით მივა და ერთ მისამართზე ცხოველებს საათნახევრის განმავლობაში მოემსახურება:
ვაკის პარკის შესასვლელთან – 12:00 სთ;
დიღმის ტყე-პარკი – 13:30 სთ.
ღონისძიებას ცხოველთა მონიტორინგის სააგენტოს დირექტორის მოვალეობის შემსრულებელი ნიკოლოზ ქობულაძე, ვაკის რაიონის გამგებლის მოვალეობის შემსრულებელი დავით კვინიკაძე, დიდუბის რაიონის გამგებელი ირმა ზავრადაშვილი და დედაქალაქის საკრებულოს გარემოს დაცვის კომისიის თავმჯდომარე გიორგი დოხტურიშვილი დაესწრებიან.