მარინა ენდელაძემ ჟურნალისტებს 3 გარდაცვლილი კოვიდინფიცირებული პაციენტის შესახებ ინფორმაცია მიაწოდა. ინფექციური საავადმყოფოს ბოქსირებული განყოფილების ხელმძღვანელის თქმით, 2 მათგანი აჭარაში, 1 კი თბილისში გარდაიცვალა.
„გუშინ გარდაიცვალა 3 პაციენტი. აქედან 2 აჭარაში არის – 65 წლის და 70 წლის კაცი , რომელთაც ჰქონდათ თანმხლები დაავადებები. ერთს ჰქონდა ინსულტი, მეორეს შაქრიანი დიაბეტი და, შესაბამისად, რა თქმა უნდა ორმხრივ მწვავე პნევმონია, სუნთქვის უკმაროსობა და ა.შ. მათი მდგომარეობიდან გამოყვანა ვერ მოხერხდა. თბილისში გარდაიცვალა ერთი ქალბატონი, 57 წლის, რომელსაც ჰქონდა ასევე თანმხლები დაავადებები დ განუვითარდა მწვავე რესპირატორული დისტრეს სინდრომი და პაციენტის გამოყვანა ვერ მოხერხდა“, – განაცხადა ენდელაძემ.
საქართველოში კორონავირუსით გარდაცვლილთა რაოდენობა 31-მდე გაიზარდა.
ამ დროისთვის ქვეყანაში კორონავირუსის 5 552 შემთხვევაა დადასტურებული, გამოჯანმრთელებულია 2 054 ადამიანი. უცხოეთიდან სამკურნალოდ გადმოყვანილია საქართველოს 41 მოქალაქე.