კანადისა და დიდი ბრიტანეთის საგარეო საქმეთა მინისტრების მთიანი ყარაბაღის კონფლიქტის შესახებ ერთობლივ განცხადებას ავრცელებენ.
„კანადა და დიდი ბრიტანეთი ღრმად შეშფოთებულები არიან მთიანი ყარაბაღის კონფლიქტის ზონაში კონტაქტის ხაზის გასწვრივ ფართომასშტაბიანი სამხედრო მოქმედებების შესახებ ცნობების გამო. უკიდურესად შემაშფოთებელია ინფორმაცია დასახლებების დაბომბვისა და სამოქალაქო მსხვერპლის შესახებ. ჩვენ მოვუწოდებთ საბრძოლო მოქმედებების დაუყოვნებლივი შეწყვეტისკენ, ცეცხლის შეწყვეტის შეთანხმების პატივისცემისა და სამოქალაქო მოსახლეობის დაცვისკენ.
ამ კონფლიქტის ნებისმიერი გადაწყვეტა უნდა გამორიცხავდეს ძალადობას და მოიცავდეს მოლაპარაკებების გზით მშვიდობიან დარეგულირებას ეუთო-ს მინსკის ჯგუფის პროცესის ფარგლებში“,- ნათქვამია კანადისა და დიდი ბრიტანეთის საგარეო საქმეთა მინისტრების ერთობლივ განცხადებაში.