„ერთიანი ნაციონალური მოძრაობის„ აჭარის ორგანიზაციის წევრს ლევან ანთაძეს კორონავირუსი დაუდასტურდა.
როგორც ლევან ანთაძე „პრაიმტაიმთან“ საუბრისას აცხადებს, ის ბოლო დღეებში თავს ცუდად გრძნობდა, ამიტომ არავისთან კონტაქტი არ ჰქონია.
„გუშინ დამიდასტურდა ვირუსი. დიახ, „მედალფაში“ გავიკეთე ანალიზები, ამჟამად სახლში გავდივარ მკურნალობის კურსს. მაქვს ტემპერატურა და ყელის ტკივილი. რაც შეეხება მამაჩემზე გავრცელებულ ინფორმაციას, კორონა დაუდასტურდაო, გეტყვით, რომ მამა არ იმყოფება საერთოდ საქართველოში. რამდენიმე დღეა თავს შეუძლოდ ვგრძნობდი, ამიტომ სახლში ვიყავი, ვერიდებოდი კონტაქტებს“, – აცხადებს ანათაძე.
თუმცა 1 ოქტომბერს აჭარის უმაღლეს საბჭოში „ნაციონალური მოძრაობის“ პარტიული სიის წარდგენისას ლევან ანთაძე იმყოფებოდა ბრიფინგზე და ჰქონდა კონტაქტები პარტიის სხვა წევრებთან.
„ნიღაბი მეკეთა,და დისტანციას ვიცავდი, ღია სივრცეში არ არის საშიში და არ ვთვლი, რომ ეს ნიშნავს კონტაქტს. პროტოკოლის თანახმად გაიტესტებიან თუ არა პარტიის სხვა წევრები, ვერ გეტყვით”- აცხადებს ლევან ანთაძე.