ადვოკატი ირმა ჭკადუა, TV პირველის ეთერში, ნოდარ მელაძის გადაცემაში, თამაზ მეჭიაურის მძღოლის ინტერვიუს ეხმიანება, რომლის კადრშიც ნაჩვენებია ახალგაზრდა ბიჭის დაზიანებები. ირმა ჭკადუა მიიჩნევს, რომ ამ დეტალების ეთერში ჩვენებით ხდება თვითმკვლელობის წახალისება.
“ეს ეთიკურია, თქვენი აზრით, ვინც ქართული მედიის დასავლურ სტანდარტებზე საუბრობთ? ბუნებაში არ დარჩა კადრი, ფოტო და ჩანაწერი, რომელიც არ გამოიყენეთ სუიციდის წასახალისებლად. ხომ არ შეიძლება, ყველა ჩანაწერი, მოხვდეს ეთერში?! არ გაითვალისწინოთ კონტექსტი, ეთიკა?!
ან რომელი მედია სტანდარტით ხელმძღვანელობთ მაშინ, როცა არასრულწლოვანის დაკითხვის აუდიო ოქმს ასაჯაროებთ?! ამ ქმედებით, პირდაპირ აყენებთ საფრთხის ქვეშ, მის ფიზიკურ უსაფრხოებას!
მერწმუნეთ, როგორც იურისტს, არაერთი პროცესი მინახავს, სადაც მოსმენილი და ნანახი, უბრალოდ ფსიქოლოგიური ტრავმაა, რომლის დავიწყებასაც დრო სჭირდება. და თქვენ, დახურული პროცესის ჩანაწერებით, ყოველგვარი ფილტრის და მინიმალური ეთიკური სტანდარტის დარღვევით, ეთერში უშვებთ.
უბრალოდ გაფრთხილებთ, რომ ჩანაწერი უმძიმესი მოსასამენია.
როდემდე შეიძლება გაგრძელდეს ეს სიმახინჯე, რომელსაც არანაირი კავშირი არ აქვს ჟურნალისტიკასთან?!”- წერს ირმა ჭკადუა.