პოლიტიკაში მოსვლამდე საქართველოს დროშა ამაყად კილიმანჯაროს მთაზე, უჰურუს მწვერვალზე აღმართა. დალაშქრა ევერესტის ნაწილი ჰიმალაიში, ჯომოლუნგის საბაზისო ბანაკი და დედამიწის უმაღლეს წერტილზე სამშობლოს კვალი დატოვა. შემდეგი სამიზნე მყინვარწვერის მონახულებაა.
ახლა მის ცხოვრებისეულ გამოცდილებასა და თავგადასავლებს პატარა მეგობარს, თავის შვილს, მერიკოს უზიარებს. უკვე სამ წელზე მეტია წულუკიანმა ძლიერ ქალ პოლიტიკოსობასთან ერთად დედობაც შეითავსა.
ევროპული გამოცდილების სამშობლოში ჩამოტანის იდეა მაშინ დაიბადა, როცა ქართული მართლმსაჯულების მიმართ უნდობლობით განწყობილი საქართველოს მოქალაქეები სამართალს საკუთარი ქვეყნიდან შორს, სტრასბურგის სასამართლოში ეძებდნენ. თეა წულუკიანი ქართველი ხალხის სახელით ერთადერთი წარმომადგენელი იურისტი იყო, რომელიც თითოეული ადამიანის დარღვეულ უფლებებსა და თუ წამების, არაადამიანური მოპყრობის ფაქტებს ინდივიდუალურად ეცნობოდა. წულუკიანი დღეს ამბობს, რომ დამოუკიდებელი, მიუკერძოებელი სასამართლო ინსტიტუტი შექმნა და „ჯიბის მოსამართლის“ სტატუსი„ნაციონალებთან ერთად წარსულს გაატანა.
თეა წულუკიანის პორტრეტი „იმედის კვირაში“.