საფრანგეთის ქალაქ ნიცაში ორი ახალგაზრდა გოგონა ტერაქტს გეგმავდა. უცხოური მედიის ინფორმაციით, შიდა უსაფრთხოების სამმართველოს თანამშრომლებმა 17 და 19 წლის გოგონა დააკავა.
გავრცელებული ინფორმაციით, ისინი „Telegram“-ის მესინჯერით უკავშირდებოდნენ ჯიჰადისტს – საფრანგეთის მკვიდრ რაშიდ კასიმოვს. ძიების ვერსიით, კასიმოვი გოგონებს კონკრეტულ ობიექტებზე თავდასხმის მითითებებს აძლევდა.
ერთ-ერთი დაკავებულის წინააღმდეგ 2014 წელს საქმე უკვე იყო აღძრული სხვა დანაშაულისთვის – ტერორისტულ დაჯგუფებასთან კავშირისთვის. ის ასევე აპირებდა „ისლამური სახელმწიფოს“ რიგებში გაწევრიანებას.
კომენტარები