პარლამენტის საბურთალოს მაჟორიტარი დეპუტატობის კანდიდატი პარტიიდან ”მოქალაქეები”, ალექსანდრე ელისაშვილი დღის კურიერის ეთერში იმ მთავარ გამოწვევაზე საუბრობს, რომელიც კონკრეტულად საბურთალოს წინაშე დგას. ის ამბობს, რომ მთავარი პრობლემა ბეტონის ჯუნგლებია, რომელმაც საბურთალო საკმაოდ დააზარალა.
აქვე, ალეკო ელისაშვილი იპოდრომის ტერიტორიის დაბრუნებას დადებითად აფასებს.
“მიუხედავად დანაკარგებისა, მიუხედავად ხარვეზებისა, საბურთალოს აქვს რესურსი, რომ იყოს კომფორტული და მოხერხებული უბანი. მე არ მერიდება, პირდაპირ ვეტყვი მადლობას ბიძინა ივანიშვილს იპოდრომის დაბრუნებისთვის, არანაირი პრობლემა არ მაქვს. მართალია თავის დროზე იყო ჯოჯოხეთური, უმსგავსო საქციელი უგულავას მხრიდან, როდესაც გაყიდა ქალაქისთვის ესეთი მნიშვნელოვანი სივრცე, ეს იყო ბოროტება ქალაქის წინააღმდეგ ჩადენილი, მაგრამ ეს რომ დაბრუნდა, ძალიან კარგია“ – განაცხადა ალეკო ელისაშვილმა.