დაავადებათა კონტროლის ეროვნული ცენტრის ხელმძღვანელმა, ამირან გამყრელიძემ დღეს გამართულ ბრიფინგზე კიდევ ერთხელ აღნიშნა, რომ კორონავირუსის მართვის პოლიტიკა როგორც გლობალურად, ასევე საქართველოშიც მთლიანად შეცვლილია. მისი თქმით, ჯანდაცვის სისტემა ჩვენს ქვეყანაში გაზაფხულთან შედარებით გაცილებით უკეთ მომზადებულია, სწორედ ამიტომ გამყრელიძე მიიჩნევს, რომ ჩვენი ქვეყნისთვის ძალიან მკაცრ ლოკდაუნებზე საუბარი საჭირო არ არის.
“ეკონომიკას ვერ გააჩერებ, ადამიანებს მეტი სიღარიბისკენ ვეღარ უბიძგებ. ამიტომ, საჭიროა აი, ამ დანისპირზე საუბარი. ჯანდაცვის სისტემა დღეს ბევრად მზად არის, ვიდრე გაზაფხულზე იყო. ამიტომ, ჯანდაცვის სისტემა დღეს ბევრად მეტ დაწოლას უძლებს, ვიდრე ეს გაზაფხულზე იყო მოსალოდნელი. ამიტომ, უნდა გაიხსნას ეკონომიკა და ამავე დროს, ინდა იყოს მზადყოფნაც. როგორც გრიპის დროს ჩვენ არ ვკეტავთ ქვეყანას, ქვეყანაში დიაბეტით 120 000 ოფიციალურად რეგსტრირებული პაციენტია და ერთი ამდენია, ვინც რეგისტრირებული არ არის. 240 ათასი დიაბეტით დაავადებული ავადმყოფისთვის ქვეყანას ხომ არ ვკეტავთ, ან რომელიმე ინფექცია როცა ჩნდება“, – განაცხადა ამირან გამყრელიძემ.