მიუხედავად პანდემიისა, არჩევნებზე მისვლა სრულიად უსაფრთხოა, რადგან კენჭისყრის შენობაში გათვალისწინებული იქნება ყველა ის პრევენციული ღონისძიება, რომელიც ხელს შეუშლის ინფექციის გავრცელებას, – ამის შესახებ საქართველოს ცენტრალური საარჩევნო კომისიის თავმჯდომარემ, თამარ ჟვანიამ ცესკო-ში გამართულ ბრიფინგზე განაცხადა.
„აღიარებულია, რომ ჯანმრთელობის თვალსაზრისით, არაა რისკის შემცველი ის მცირე დრო, რომელიც ამომრჩეველს ესაჭიროება ხმის მიცემისთვის. ამომრჩეველს მინდა, შევახსენო, რომ საარჩევნო უბანზე მისვლისას, აუცილებლად დასჭირდება პირბადის მოხმარება, თუმცა, არქონის შემთხვევაში, მას უზრუნველყოფენ პირბადით“, – განაცხადა კომისიის თავმჯდომარემ.
კომენტარები