შიდა ქართლში კენჭისყრის პროცედურა დასრულებულია, ორივე მაჟორიტარულ ოლქში ყველა უბანი ზუსტად 20:00 საათზე დაიხურა. შესაბამისი პროცედურების დასრულების შემდეგ საუბნო კომისიები ხმების დათვლას დაიწყებენ.
გორი-კასპის მე-15 გაერთიანებულ ოლქში 127 საარჩევნო უბანი იყო გახსნილი 135 281 ამომრჩევლისთვის. ხმების მოსაპოვებლად აქ 13 კანდიდატი იბრძოდა. ქარელი-ხაშურის მე-16 გაერთიანებულ ოლქში კი 103 744 ამომრჩეველი იყო რეგისტრირებული და 109 უბანი იყო გახსნილი. ოლქში 17 მაჟორიტარი დეპუტატობის კანდიდატი იყო დარეგისტრირებული. 351-მა მოქალაქემ გადასატანი ყუთით ისარგებლა მე-15 ოლქში, ხოლო მე-16 ოლქში გადასატანი საარჩევნო ყუთის მოთხოვნით საოლქო კომისიას 173-მა ამომრჩეველმა მიმართა.
კომენტარები
