ლადო ვახტანგიშვილი სოციალურ ქსელში პოსტს აქვეყნებს.
“უნდა იცოდეთ თუ რას დაუჭირეთ მხარი გირჩზე ხმის მიცემისას,
“არაფერია სათქმელი ორი ოდიოზური და ყავლგასული პარტიის ღრიანცელზე, უბრალოდ ერთ-ერთი ყველაზე შემაშფოთებელი ტენდენცია გირჩის ამბავია. ვინც ამ პარტიას ხმა მისცა ხელს შემდეგ რამეს აწერს:
1. ყოველი საზოგადოებრივი შრომის პროდუქტის განკერძოებას და ერთი, ან რამდენიმე ადამიანის ხელში გადატანას.
2. შრომის მინიმალურ უსაფრთხოების სტანდარტებზე უარის თქმას და გარშემომყოფი ადამიანების გაწირვას სამუშაო ადგილებზე.
3. გადასახადების დაწევას იმ ადამიანებისათვის, რომლებიც ქვეყნის ყველაზე დიდი რესურსების ექსპლოატაციას ახდენენ, გარემოს აუნაზღაურებელ ზიანს აყენებენ და მოიხმარენ წიაღისეულს ა.შ.
4. ინდუსტრიული თუ სხვა საწარმოო საშუალებების მიერ ეკოლოგიისთვის (რაც ისედაც კატასტროფულ ვითარებაშია)ზიანის მიყენების დაშვებას და გარემოს დაცვითი სფეროს დერეგულირებას.
5. მათი პარლამენტში ყოფნით წინააღმდეგობა შეხვდება მინიმალური ხელფასის, ზეგანაკვეთური შრომის ანაზღაურების ინიციატივებს.
6. მოხდება ისედაც განკერძოებული ჯანდაცვის სისტემის კიდევ უფრო მეტი ხარისხით განკერძოება. ჯანდაცვა, რომელიც მეტ-ნაკლებად ხელმისაწვდომი გახდა, გარდაიქმნება პრივილეგიად.
7. სახელმწიფოს მხრიდან ინტერვენციების(რისი ფუნქცია არც ახლა აქვს სახელმწიფოს) აღკვეთა გამოიწვევს არსებული მონოპოლიების კიდევ უფრო მეტად გამტკიცებას.
8. შეიზღუდება განათლების უფლება და მასზე ხელმისაწვდომობა, რადგან გირჩი უარყოფს საჯარო სკოლების იდეას, აღარაფერს ვამბობ უმაღლეს განათლებაზე.
9. საფრთხე ექმნება ისეთ საჯარო სერვისებს, როგორიც არის მუნიციპალური ტრანსპორტი, ბიბლიოთეკები, თეატრი და ა.შ.
10. სახელმწიფო ქონება და რესურსები, როგორიცაა ხე-ტყე, მდინარეები, ტბები, სახნავ-სათესი მიწები, სავარგულები გადავა რამდენიმე ადამიანის ხელში, რაც საბოლოოდ მოსპობს კოლექტიური, კოოპერატიული შრომის კულტურის სამომავლო პერსპექტივებსაც კი.
11. მოიშლება ისეთი ინსტიტუტები(რომლებიც არც ახლა მუშაობს გამართულად), რაც სასიცოცხლოდ მნიშვნელოვანია ყოველი ჩვენგანისთვის, მაგალითად სურსათის ხარისხის ზედამხედველობისა და უზრუნველყოფის სამსახური.
ალბათ ბევრი რამ გამომრჩა და ეს ჩამონათვალი არ არის სრული ასახვა იმ სიგიჟისა და სოციალური დარვინიზმისა, რასაც ეს პარტია ქადაგებს. უბრალოდ ნეოლიბერალური სახელმწიფოსთვისაც კი სიგიჟეა მცირე სახელმწიფოს ისეთი მოდელი, რასაც ეს თავზეხელაღებული ექსტრემისტები ახვევენ თავს შედარებით ახალგაზრდა ელექტორატს. აქ ჩანს ზუსტად განათლების სისტემის სერიოზული ჩავარდნა, როდესაც ასეთი ფაშისტური იდეებით შეპყრობილ ჯგუფს ამხელა მხარდაჭერა აქვს. მოკლედ, გირჩის „ყველაფრის თეორიის“ შედეგი ზემოთჩამოთვლილი პუნქტები და უარესი შიზოფრენია იქნება მომდევნო 4 წლის განმავლობაში.””