ემიგრანტი ხათო ბარათაშვილი სოციალურ ქსელში პოსტს აქვეყნებს, რომელსაც უცვლელად გთავაზობთ.
“.. ვუყურებ სააკაშვილის დუჟმორეულ და არანორმალურ სახეს და გულწრფელად მიკვირს: ეს კაცი როგორ იყო საქართველოს პრეზიდენტი, ხალხო?! ასე როგორ ვიყავით დაბეჩავებული, რომ ცხრა წელი ვიტანდით ამ მოღალატეს?!
ქართველები ხომ დაყო ორ ნაწილად და დაგვაპირისპირა, ერთმანეთს სამკვდრო- სასიცოცხლოდ გადაგვკიდა. ქართველები ერთმანეთს რომ ეცნობიან, პირველი, რასაც ერთმანეთს ეკითხებიან არის ,,ნაცი” ხარ თუ, ,ქოცი”? და ამის შემდეგ როგორ გაგრძელდება საუბარი, ღმერთმა უწყის…
ახლახანს გამობრძანდა და გვითხრა: რა კორონა, კაცო, მქონდა და მაინც ვიყავი აქციაზე ,,ჩავეხუტე და ჩავიკარი ჩემი ქართველებიო!” აი, ეს კაცი არის პოტენციური მკვლელი, რომელსაც არავინ და არაფერი აინტერესებს ,,ლიჟბი” სკამს ჩაებღაუჭოს და ჩვენ მთელი ერი წყალსაც წაუღივართ.
მე ვმუშაობ გერმანიაში ერთ-ერთ ყველაზე დიდ გერმანულ ფირმაში (Baden Württemberg), სადაც ყველაზე მეტი უნარშეზღუდული გვყავს დასაქმებული, დაახლოებით 1500 მზის სხივი – ასე ვეძახი მე მათ🙂. დედას გეფიცებით, მერვე თვეა პირბადე არ მოუხსნიათ და ორი მეტრზე მეტად არ მიახლოვებიან ერთმანეთს, მათ შესანიშნავად იციან, თუ როგორ გაუფრთხილდნენ როგორც ერთმანეთს, ასევე სხვებს, ხოლო თუ შეცდომა დაუშვი – აქეთ დაგარიგებენ და შეგისწორებენ. მე ძალიან დიდ ბოდიშს მოვუხდი ამ ადამიანებს – მიშასთან რომ დავაკავშირე, რადგან ისინი როგორც ცა და დედამიწა – ისე განსხვავდებიან ერთმანეთისგან. ესენი ზეადამიანები არიან, მიშა კი ერთი გასაცოდავებული, ერის და ქვეყნის მოძულე კაცი, რომელსაც მალე ის ასი კაციც შემოეცლება ხმის ჩახლეჩვამდე რომ გაჰკივიან “მიშა დაბრუნდი”-ს.
მიშა, აუცილებლად უნდა ჩახვიდე საქართველოში, აუცილებლად უნდა აგო პასუხი ყველა დანაშაულზე – რაც ქართველი ერის წინაშე ჩაიდინე. ცუდი კი ის არის, რომ ხუთვარსკვლავიან ციხეში მოგიწევს ყოფნა და კარაქიან პურს მოგართმევენ ყოველ დილით… აი, ამას კი ნამდვილად არ იმსახურებ არაა!!!”