ისინი (ოპოზიციური პარტიები) ვერ ამბობენ იმას, რომ ბარიერი იმდენად დიდია, რომ ვერ შევდივართ პარლამეტში, ამას არ ამბობენ, იმიტომ, რომ ჩვენ უპრეცედენტო, ერთ-პროცენტიანი ბარიერი შევქმენით, ეს ნაბიჯიც გადავდგით და მათ ეს არგუმენტიც ხელიდან გამოვაცალეთ,- ამის შესახებ „ქართული ოცნების“ პარტიული სიის მეოთხე ნომერმა, თეა წულუკიანმა „ქრონიკაში“ განაცხადა.
მისი თქმით, არჩევნები ჩატარდა იმ საარჩევნო მოდელით, რომელიც მათ მოსწონდათ, სურდათ და რაზეც ხელი მოაწერეს.
ჩვენ მათ ვეთამაშეთ მათივე წესებით, მათივე მოედანზე და ამ არჩევნებში გავიმარჯვეთ, გაიმარჯვა 928 ათასზე მეტმა „ქართული ოცნების“ ამომრჩეველმა, რაც იმას ნიშნავს, რომ კოალიციური მთავრობა აღმასრულებელ ხელისუფლებაში არ იქნება, მათ ეს არ მოსწონთ. მათ მოსწონთ ერთადერთი, რომ აყირავდეს ქვეყანა, იყოს დესტაბილიზაცია და მოხდეს რევოლუციური სცენარის განვითარება, რისთვისაც მათ ჩვენ არცერთი არგუმენტი არ დავუტოვეთ. არჩევნები ჩატარდა იმ საარჩევნო მოდელით, რომელიც მათ მოსწონდათ, სურდათ და რაზეც ხელი მოაწერეს, ჩვენ ეს არგუმენტი სწორი პოლიტიკით გამოვაცალეთ.
ისინი ასევე ვერ საუბრობენ იმაზე, რომ ეს არის „ქართული ოცნებისთვის“ ხელისუფლებაში ჰყოფნის ბოლო წუთები და ისინი მოდიან ხელისუფლებაში, ანუ იმასაც ვერ ამბობენ, რომ ისინი არიან პირველი პოლიტიკური ძალა, არადა ამას ამბობდნენ არჩევნებამდე“, – განაცხადა თეა წულუკიანმა.