32 წლის გიგა ჭიკაძემ UFC-ში მეხუთე ბრძოლა გამართა.
ქართველი მებრძოლის მეტოქე 28 წლის ამერიკელი ჯეიმი სიმონსი იყო, რომელსაც MMA-ში 7 მოგება და 2 მარცხი ჰქონდა და UFC-ში სადებიუტო ბრძოლა ქართველ მებრძოლთან გამართა.
ჭიკაძემ ორთაბრძოლა პირველივე რაუნდში მოიგო. გიგამ მეტოქეს პირველი რაუნდის მე-4 წუთზე ფეხი თავში ძლიერად მოარტყა, რის შემდეგაც მეტოქე ოქტაგონზე დაეცა. გიგამ ამერიკელს რამდენიმეჯერ დაარტყა, მსაჯმა შეხვედრა შეაჩერა და ქართველმა მებრძოლა ნოკაუტით გამარჯვება მოიპოვა.
გიგამ 2020 წელი წაუგებლად დაასრულა. მან წელს 4-დან 4 ბრძოლა მოიგო, ხოლო საერთო ჯამში UFC-ს კარიერაში 5 ბრძოლიდან 5 მოგება აქვს.
იმედი ნიუსი
კომენტარები