“გრიგოლ ვაშაძე შეუძლოდაა”

„ნაციონალური მოძრაობის“ თავმჯდომარე გრიგოლ ვაშაძე ბოლო ორი დღეა ოპოზიციის საპროტესტო აქციაზე სიტყვით არ გამოსულა და არც ცენტრალურ საარჩევნო კომისიასთან განვითარებული მოვლენების დროს იმყოფებოდა ადგილზე. თუმცა დღეს, 10 ნოემბერს, საკმაოდ ხმაურიანი განცხადება გაავრცელა, რომელსაც ოპოზიციის არაერთგვაროვანი რეაქცია მოჰყვა.
რატომ არ ჩანს მედიასთან „ნაციონალური მოძრაობის“ თავმჯდომარე გრიგოლ ვაშაძე?- ამ კითხვით პარტიის წარმომადგენელს, გია ბარამიძეს „ღამის კურიერის“ წამყვანმა მიმართა.
ჟურნალისტის კითხვა უკავშირდებოდა, ვაშაძის მიერ დღეს გავრცელებულ ორ განცხადებას, რომელმაც დიდი გაუგებრობა გამოიწვია „გაერთიანებული ოპოზიციის„ წარმომადგენელბშიც კი. თავად კი არსად გამოჩენილა.
„გრიგოლ ვაშაძე შეუძლოდ არის. სახლშია. ბოლო დღეებში სულ იყო აქციებზე“,- განაცხადა გია ბარამიძემ.
ცნობისთვის, გრიგოლ ვაშაძემ გაავრცელა განცხადება, სადაც ოპოზიციურ პარტიებს მოუწოდებს, რომ მოლაპარაკების მაგიდასთან დასხდნენ.
მოგვიანებით, გავრცელდა ვაშაძის მორიგი განცხადება, რომელშიც პირველი განცხადების შინაარსი განმარტა.
ამის შემეგ, „გირჩმა“, „ევროპულმა საქართველომ“, „ლელომ“ და „სტრატეგია აღმაშენებელმა“ ახლახანს ერთობლივი განცხადება გაავრცელეს.