ახლა ყველა პარტიას აქვს წნეხი, რომ სამუშაო დავალება შეასრულოს სახლში და მოლაპარაკებას დაუბრუნდეს რაიმე წინადადებით, – ეს განცხადება პოლიტიკური მოძრაობა „გირჩის“ წარმომადგენელმა ვახტანგ მეგრელიშვილმა გააკეთა.
ვახტანგ მეგრელიშვილმა ასევე განაცხადა, რომ გუშინდელ აუდიენციაზე „ქართული ოცნება“ იყო კონსტრუქციული.
„ზურა ჯაფარიძის გადმოცემით, ხელისუფლება იყო კონსტრუქციული, რადგან ოპოზიციის ყველა შენიშვნას ბუკვალურად ინიშნავდა. დაპირებაც იყო, რომ ამ შენიშვნებზე მზა პასუხებით ისინი დაბრუნედებიან უახლოეს პერიოდში. ახლა ყველა პარტიას აქვს წნეხი, რომ სამუშაო დავალება შეასრულოს სახლში და მოლაპარაკებას დაუბრუნდეს რაიმე წინადადებით. „ქართული ოცნება“ უნდა დაუბრუნდეს მოლაპარაკების მაგიდას შემხვედრი წინადადებით. სიტუაცია გამოიყურება ჩიხურად, ვიდრე არ გვეცოდინება რაიმე „ქართული ოცნების“ მხრიდან“, – განაცხადა ვახტანგ მეგრელიშვილმა.