„ქართული ოცნების” ერთიანი სახელისუფლებო გუნდის, თითოეული სახელმწიფო უწყების ეფექტიანი მოქმედების დამსახურება და შედეგია ის, რომ საქართველო დღესაც COVID-19-ის პანდემიის მართვის მიმართულებით ევროპული ქვეყნების გვერდით ერთ-ერთ გამორჩეულ ქვეყნად რჩება”, – იურისტი თამთა მეგრელიშვილი ევროპის საბჭოს მიერ გამოქვეყნებულ ანგარიშებს სოციალურ ქსელში ეხმიანება.
როგორც თამთა მეგრელიშვილი აღნიშნავს, ევროპის საბჭოს მიერ გამოქვეყნებული ორი ანგარიში, რომელიც ევროპულ ქვეყნებში პენიტენციური დაწესებულებების პოპულაციაზე COVID-19-ის გავლენას ეხება, საქართველოს COVID-19-ის პანდემიის მართვის მიმართულებით ერთ-ერთ გამორჩეულ ქვეყნად ასახელებს
„ევროპის საბჭოს მიერ გამოქვეყნებული ორი ანგარიში, რომელიც ევროპულ ქვეყნებში პენიტენციური დაწესებულებების პოპულაციაზე COVID-19-ის გავლენას ეხება, საქართველოს COVID-19-ის პანდემიის მართვის მიმართულებით ერთ-ერთ გამორჩეულ ქვეყნად ასახელებს. პირველი ანგარიში 2020 წლის 1-ლი იანვრიდან 15 აპრილამდე პერიოდს მოიცავს და ხაზგასმულია, რომ ევროპის წამყვანი ქვეყნების მსგავსად (ისლანდია, ლიხტენშტეინი და სხვა) საქართველოს პენიტენციურ დაწესებულებებში მოცემულ პერიოდში COVID-19-ით ინფიცირების არცერთი შემთხვევა არ დაფიქსირებულა. მეორე ანგარიშში 2020 წლის 15 სექტემბრამდე პერიოდია შეფასებული და საქართველო ისევ და ისევ სტაბილური ქვეყნების (ავსტრია, ჩეხეთი, დანია, გერმანია, დიდი ბრიტანეთი და ა.შ.) რიგებშია. ქართული ოცნების ერთიანი სახელისუფლებო გუნდის, თითოეული სახელმწიფო უწყების ეფექტიანი მოქმედების დამსახურება და შედეგია ის, რომ საქართველო დღესაც COVID-19-ის პანდემიის მართვის მიმართულებით ევროპული ქვეყნების გვერდით ერთ-ერთ გამორჩეულ ქვეყნად რჩება”, – წერს თამთა მეგრელიშვილი ფეისბუქის საკუთარ გვერდზე.