ისრაელის ყოფილი პრეზიდენტი და პრემიერ-მინისტრი შიმონ პერესი იერუსალიმში, მთავარ მემორიალურ სასაფლაოზე დაკრძალეს. ამის შესახებ „ბი-ბი-სი“ იუწყება.
პერესთან გამომშვიდობების ცერემონიას 70 ქვეყნის წარმომადგენელი დაესწრო. მათ შორის იყვნენ აშშ-ის პრეზიდენტი ბარაკ ობამა, ექსპრეზიდენტი ბილ კლინტონი, საფრანგეთის პრეზიდენტი ფრანსუა ოლანდი, დიდი ბრიტანეთის პრინცი ჩარლზი, ასევე პალესტინის ადმინისტრაციის ლიდერი მაჰმუდ აბასი.
სამგლოვიარო ცერემონიაზე გაკეთებულ განცხადებაში ბარაკ ობამამ აღნიშნა, რომ შიმონ პერესი სიცოცხლის უკანასკნელ წუთამდე უსაფრთხო ისრაელის იდეის ერთგული იყო, რომლის მოსახლეობაც მშვიდობაში ცხოვრობს.
შიმონ პერესი 28 სექტემბერს გარდაიცვალა. მან ორი კვირის წინ ინსულტი გადაიტანა.
კომენტარები