პარლამენტის დარგობრივი ეკონომიკისა და ეკონომიკური პოლიტიკის ყოფილი თავმჯდომარე რომან კაკულია „პრაიმტაიმთან“ დუმილს არღვევს. კაკულია პარლამენტში „ქართული ოცნების“ ერთ-ერთი მთავარი წამყვანი სახე იყო, თუმცა ის მმართველი პარტიის 2020 წლის საპარლამენტო სიაში ვერ მოხვდა.
იყო თუ არა მისი სურვილი საპარლამენტო სიის გარეთ დარჩენა და ვიხილავთ თუ არა, მას უახლოეს მომავალში მაღალ საჯარო თანამდებობაზე, ამ საკითხების შესახებ კაკულია ინტერვიუში საუბრობს.
რომან კაკულია: პოლიტიკიდან არსად წავსულვარ, ვრჩები აქ, პოლიტიკაში „ქართულ ოცნებასთან“ ერთად. რა ფორმით გამოვხატავთ ამას, მომავალში ვნახავთ.
– რას უკავშირდება თქვენი და „ქართული ოცნების” სამომავლო გეგმები. შესაძლოა, სხვა საჯარო თანამდებობაზე გიხილოთ?
– ახლა ძალიან ბევრი რაღაცის გაანალიზების დროა, ძალიან მნიშვნელოვანი პროცესები მიმდინარეობს. მოვა დრო, როცა ამ ყველაფერზე უფრო დეტალურად ვისაუბრებ, ჯერჯერობით, ამის სურვილი არ მაქვს.
მე ვიყავი „ქართული ოცნების“ მხარდამჭერი და „ქართული ოცნების“ მხარდამჭერად ვრჩები. მგონია, რომ ის მოცემულობა, რასაც გარეთ ვხედავთ, ძალიან დიდი ექსპერიმენტს შექმნის. „ქართულმა ოცნებამ“ მომავალი ოთხი წლის განმავლობაში უნდა შექმნას ის გარემო, რომელიც გაცილებით მაღალი ხარისხის მოცემულობის შექმნას გულისხმობს.
ცვლილებებს მხოლოდ მაშინ აქვს აზრი, როცა შედეგად ქვეყანაში უკეთესი პროცესები ვითარდება. ცვლილებები ცვლილებებისთვის გამართლებული არ არის. ვიმეორებ, მე ვრჩები „ქართული ოცნების“ მხარდამჭერად, რადგან ყველა ის შემოთავაზებული ალტერნატივა, რაც დღეს პოლიტიკურ ბაზარზეა, არ მგონია, რომ ქვეყნისთვის უკეთესი მოცემულობის შემქმნელი იყოს.
– თქვენ პარლამენტში „ქართული ოცნების“ ერთ-ერთი წამყვანი სახე იყავით. თქვენი სურვილი იყო, რომ 2020 წლის საპარლამენტო სიაში არ ყოფილიყავით?
– ყოველ შემთხვევაში, ეს საერთო კონსულტაციის შედეგი იყო. პატივს ვცემ თქვენს ჟურნალისტურ დაჟინებულობას, (იხილეთ გაგრძელება)