“თავისუფალი დემოკრატების” ერთ-ერთი ლიდერის, ვიქტორ დოლიძის უკმაყოფილება სოციალურ ქსელში რუსთავი 2-ის გენერალური დირექტორის ნიკა გვარამიას სტატუსმა გამოიწვია.
“ვიკა დოლიძე რომელ პარტიაშია? ეს გამაგებინა და მეტი არ მინდა არაფერი. სხეულით – თავდემებშია, გულით და სულით – ქართულ ოცნებაში”, – დაწერა გვარამიამ.
სტატუსს დოლიძემ სტატუსითვე უპასუხა:
“ვიკა დოლიძე სულითაც, გულითაც, სხეულითაც და გონებითაც ეკუთვნის საქართველოს!
ნიკა გვარამიასა და ნაციონალებისგან განსხვავებით მე ვაზროვნებ და ვმოქმედებ სახელმწიფოებრივად, ვარ თავისუფალი, მიყვარს ჩემი ოჯახი და ჩემი მეგობრები. არ ვარ არც მოძალადე, არც კონფორმისტი. არასოდეს ვღალატობ ადამიანებსა და ქვეყანას. ვარ პროფესიონალი და პატრიოტი და ზუსტად ვიცი – სად მაქვს გონება და გული და ნამდვილად ვიცი სად მაქვს სხეული”, – წერს ვიქტორ დოლიძე ფეისბუქის გვერდზე.