კლინიკა „ვივა მედიში“ მომხდარ ინციდენს ჰოსპიტალის გენერალური დირექტორი ნინო კუზანოვა-ნადირაძე ეხმაურება.
როგორც ის ამბობს გარდაცვლილი პერიოდულად მომართავდა კლინიკას, რადგან მედ-პერსონალის მომსახურებით კმაყოფილი იყო.
კუზანოვას თქმით, გარდაცვლილის ახლობელს დაცვამ პირბადის გაკეთება სთხოვა, რასაც დაპირისპირება მოჰყვა და ჰოსპიტალის თანამშრომელი დაჭრეს.
„როგორც ადამიანი, მე გავიგებდი აფექტურ მდგომარეობას, როდესაც ახლობელი გიკვდება, მაგრამ სამწუხაროდ ეს ასე არ იყო, გარდაცვლილი პაციენტი ზუსტად ჩვენ კლინიკაში ბევრჯერ გადავარჩინეთ სიკვდილს, როდესაც თვითდაზიანებებს იყენებდა და, როდესაც ჯანმრთელობის მძიმე მდგომარეობის გამო საპატიმროდან გათავისუფლდა, თავისუფლებაში ყოფნისასაც ისევ ჩვენს კლინიკას მომართეს, რადგან ბევრჯერ ნახეს ჩვენი ექიმების თავდადება, თუმცა გუშინ მისი გადარჩენა უკვე ვეღარ მოხერხდა, და მათ თავად მოაწერეს ხელი, რომ ჩვენს მიმართ არანაირი პრეტენზია არ ჰქონდათ.
დღეს რაც ჩაიდინეს, ეს იყო უკიდურესად ამაზრზენი, გაიმეტო სასიკვდილოდ 24 წლის ბიჭი, რომელმაც ნიღბის გაკეთება მოთხოვა“, – წერს ნინო ნადირაძე-კუზანოვა.