ვინ თქვა, ვინ მონათლა, რომ მოღალატეები არიან?! – ვინმე ოფიციალურად გამოვიდა და გამოაცხადა?! მითხარით სახელი და გვარი! – ამის შესახებ ჟურნალისტებს შს მინისტრმა ვახტანგ გომელაურმა კარტოგრაფების საქმეზე ბრალდებულების, ნატალია ილიჩოვასა და ივერი მელაშვილის თაობაზე დასმული კითხვის პასუხად განუცხადა.
მინისტრმა თქვა ისიც, რომ მათ პოლიტიკურ პატიმრებს ვერ დაარქმევს.
“ყველა ადამიანი თანასწორია. ვინც დააშავებს პასუხი უნდა აგოს – იქნება მინისტრი, რიგითი თანამშრომელი თუ დეპარტამენტის ხელმძღვანელი“, – განუცხადა ჟურნალისტებს გომელაურმა.
გომელაურის თქმით, როცა პროკურატურამ საჭიროდ ჩათვალა, მათი დაპატიმრება მოითხოვა, ხოლო ახლა ჩათვალეს, რომ სასამართლოში გირაოს მოთხოვნით შესვლის საჭიროება იყო.
კომენტარები