ივერი მელაშვილის სიტყვები, რომ გარეჯი არაა საქართველო, მძიმე მოსასმენი იყო, – ამის შესახებ ტელეკომპანია „იმედის“ გადაცემაში „იმედის ფაქტორი“ დეკანოზმა ალექსანდრე გალდავამ განაცხადა.
„ეს რომ ყურს არავის სჭრიდა გარშემომყოფებს, ძალიან გასაკვირი იყო. რაც შეეხება მის განცხადებას ბერების შესახებ, თურმე გარეჯში ბერები იმისთვის ცხოვრობენ, რომ კელიების წინ ფოტოები გადაიღონ. ბერების ასეთი დამამცირებელი სახით მოხსენიება წარმოუდგენელია, მხოლოდ იმიტომაც კი, რომ ისინი გარეჯში მესაზღვრეებადაც არიან და თვითონ ძეგლსაც უვლიან. მორწმუნეც რომ არ იყოს ადამიანი და არ გაინტერესებდეს ეკლესია, მხოლოდ იმიტომ უნდა სცე ამ ადამიანებს პატივს, რომ ძეგლს უვლიან და შენს შვილებს უტოვებენ. ჩემთვის ძალიან მნიშვნელოვანია, რომ გარეჯის თემა ამ კარტოგრაფების საქმემდე არ დაიყვანონ პოლიტიკოსებმა. რეალურად ეს არაა კარტოგრაფების საქმე, ლაპარაკია გარეჯზე – ჩვენს გულსა და სულზე“, – განაცხადა დეკანოზმა.
„როგორ არის შენი, როდესაც არ არის შენი. არ გაქვს ამის საფუძველი და ვიღაცის იქ, უკაცრავად და, ბერი იქნება თუ ერის წარმომადგენელი იქნება, თუ ზოგი მივა და კელიებთან პოზირებას დაიწყებს, ამის გამო ეუბნები, რომ ჩემია. არ არის სწორი, არ არის შენი“, – ამის შესახებ დავით გარეჯის საქმეზე ბრალდებულმა ივერი მელაშვილმა 28 მარტს, „ტვ პირველის“ ეთერში განაცხადა.