დაავადებათა კონტროლის ეროვნული ცენტრის გენერალური დირექტორის, ამირან გამყრელიძის ინფორმაციით, ხვალ ან ზეგ გახდება ცნობილი ზუსტი რაოდენობა “ფაიზერის” ვაქცინის, რომელსაც საქართველო თებერვლის ბოლომდე მიღებს.
გამყრელიძის თქმით, საქართველო იმ ქვეყნებს შორისაა, რომელსაც “კოვაქსიდან” “ფაიზერის” ვაქცინის პირველი დოზები მიეწოდება.
“დადასტურდა, რომ საქართველო თებერვლის განმავლობაში მიიღებს “ფაიზერის“ ვაქცინას. დოზების რაოდენობა დაზუსტებით გვეცოდინება ხვალ ან ზეგ, წერილი იქნება. ეს იყო მხოლოდ შეტყობინება, რომ საქართველო აღმოჩნდა იმ ქვეყნებს შორის, რომელსაც “კოვაქსიდან” “ფაიზერის” ვაქცინის პირველი დოზები მიეწოდება.
როგორც არის ჩვენი გეგმაა, აიცრება სამედიცინო პერსონალი. დაახლოებითი რაოდენობა დოზების, რაც მე მაქვს ინფორმაცია, იქნება 30 ათასამდე” , -აღნიშნა გამყრელიძემ.
ცნობისთვის, საქართველოს პრემიერ-მინისტრი გიორგი გახარია აცხადებს, რომ საქართველოში Pfizer-ის ვაქცინის პირველი დოზები თებერვლის ბოლომდე შემოვა.