ძალიან გთხოვთ, საშუალება მოგვეცით, შენობაში შევიდეთ, – ასე მიმართა შინაგან საქმეთა სამინისტროს წარმომადგენელმა მოქალაქეებს, რომლებიც სამართალდამცველებს „ნაციონალური მოძრაობის“ ოფისში შესვლის საშუალებას არ აძლევენ.
„ჯერ მოგვკალი. არ შეგიშვებთ“, – თავის მხრივ უპასუხეს მოქალაქეებმა სამართალდამცავებს.
„გამოტანილია სასამართლო განჩინება. უნდა შევიდეთ და განვახორციელოთ განჩინებით გათვალისწინებული ზომები. მოგიწოდებთ, გაათავისუფლოთ შესასვლელი, ეს პოლიციის კანონიერი მოთხოვნაა.
არავის მოკვლას არ ვაპირებთ, დაემორჩილეთ კანონიერ მოთხოვნას, ძალიან გთხოვთ, საშუალება მოგვეცით, შენობაში შევიდეთ. ადგილი არ ჰქონდეს წინააღმდეგობის გაწევას“,-განაცხადა შინაგან საქმეთა სამინისტროს წარმომადგენელმა.
კომენტარები