ხელში სანთელი უნდა ეჭიროს და ოცნების ოფისს, ეკლესიასავით დღეში სამჯერ წრეს უნდა არტყამდეს, – ამის შესახებ „ევროპელი სოციალისტების“ წევრმა, დეპუტატმა დავით ზილფიმიანმა პლენარულ სხდომაზე გიგი უგულავაზე საუბრისას განაცხადა.
„წარმატებული“ მერი, რომელიც კურდღელივით გაიქცა, როცა დარბევის დროს მივედი, შენს ქალაქში, ტელევიზიას არბევენ-თქო – დაიმალა, გაიქცაა, 48 მილიონი მოიპარა და ბატონი კახიშვილის გარემონტებულ ციხეში 14 თვე ატარებს და მორჩაა? ნებისმიერ მოქალაქეს ჰკითხეთ, რამდენი ჩაჯდება 14 თვით 48 მილიონად ციხეში“, – განაცხადა დავით ზილფიმიანმა.
მისი თქმით, ოპოზიციამ ჩვენ მთავარ სტრატეგიულ პარტნიორს, აშშ-ს უნდა მოუსმინოს და მისი მოწოდება გაითვალისწინოს.
„ნამდვილი სტრატეგიული მოკავშირე ისე მოიქცევა, როგორც აშშ იქცევა, პირდაპირ გითხრა, ამხელა ამაგი აქვს ჩვენზე, როცა გვიჭირს ჩვენ გვერდში დგას, გეუბნება, ვისაუბროთ, შედით პარლამენტში. რომ იბრალებენ პროდასავლურობას, რატომ არ უსმენენ თავის ყველაზე მთავარ პარტნიორს?! ჩვენი ყოფილი, სახელიც არ მინდა ვახსენო და მისი აქაური ლუციფერები, კაკადუსავით რომ იმეორებენ, იგივე სიტყვებს, აშანტაჟებენ პოლიციას, მაინტერესებს რა გავაკეთეთ იმისთვის, რომ ეს არ მოხდეს?!“, – განაცხადა დავით ზილფიმიანმა.