შინაგან საქმეთა სამინისტროს დროებითი მოთავსების იზოლატორში დასაქმებული სამედიცინო პერსონალის გადამზადება დაიწყო, – ამის შესახებ ინფორმაციას შინაგან საქმეთა სამინისტრო ავრცელებს.
მათივე ინფორმაციით, საქართველოს სახალხო დამცველის რეკომენდაციის შესაბამისად, შინაგან საქმეთა სამინისტროს დროებითი მოთავსების იზოლატორებში დასაქმებული სამედიცინო პერსონალისთვის დაიწყო გადამზადების კურსი მოსათავსებელ/მოთავსებულ პირთა სხეულზე არსებული დაზიანებების ფოტოგრაფირებისა და ფოტომასალის შენახვის წესის შესახებ.
აღნიშნულ საკითხებზე, შინაგან საქმეთა სამინისტროს აკადემიის ბაზაზე გადამზადდა ექიმების ორი ჯგუფი. ტრენინგს უძღვებოდნენ საექსპერტო-კრიმინალისტიკური დეპარტამენტისა და დროებითი მოთავსების უზრუნველყოფის დეპარტამენტის სამედიცინო მომსახურების სამსახურის თანამშრომლები.
სწავლების ფარგლებში, ტრენინგის მონაწილეებმა განიხილეს ფოტოგრაფირების ტექნიკური ასპექტები, ფოტომასალის კონფიდენციალურობის მნიშვნელობა და მისი დაარქივების წესები.
სწავლების დიდი ნაწილი პრაქტიკულ სამუშაოებს დაეთმო. დანარჩენი სამედიცინო პერსონალის გადამზადებას სამინისტრო უახლოეს მომავალში განახორციელებს