ანალიტიკოსი ამირან სალუქვაძე სოციალურ ქსელში შემდეგი შინაარსის პოსტს აქვეყნებს:
„მასალებს გამოაქვეყნეს, გამოძიებას თავად ითხოვდნენ (მეც მოვითხოვე გამოიძიეთ მეთქი, მეორე დღესვე).
დაიწყეს გამოძიება და ეწინააღმდეგებიან.
წესით ეს “ფირი” თავად უნდა გამოეკვლიათ, გამოქვეყნებამდე, ან მერე, თავადვე უკვე უნდა გაეგზავნათ ყველაზე სანდო საერთაშორისო ექსპერტიზაზე, თუ სამხარაულს არ ენდობიან.
ვინმე ფიქრობს, რომ გავრცელებული ჩანაწერი არ უნდა გამოიძიონ და მისი უტყუარობა, ავთენტურობას რომ ვეძახით უცხო ენაზე, არ უნდა დადგინდეს?
გამვრცელებელმა უნდა ითანამშრომლოს გამოძიებასთან, პროკურატურას გადასცენ აუდიო ჩანაწერი რაიმე სახის მატარებლით, რომლითაც ისარგებლეს/მიეწოდათ.
გაკეთდება ექსპეეტიზა და საზოგადოება გავაკეთებთ დასკვნებს და პოზიციასაც დავაფიქსირებთ:
– თუ არაა ფაბრიკაცია, ხელისუფლება აგებს პასუხს;
– თუ ფაბრიკაციაა, პასუხი უნდა აგოს ჩანაწერების მომპოვებელმაც, მომტანმაც, გამვრცელებელმაც.
ორთავე შემთხვევაში წლებსაც ექნება მნიშვნელობა.
თუ ჩანაწერს პროკურატურას არ გადასცემენ, ჩაითვლება, რომ ფაბრიკაცია გავრცელდა. ანა-ბანაა.
ხელისუფლებას მოვუწოდებ გონივრული ქმედებებისკენ აღსრულების ნაწილში.
რაც შეეხება საზოგადოების და პოლიტიკის დღევანდელ მდგომარეობას, სულ უფრო და უფრო ვეშვებით სიძულვილის მორევში.
ნახევრად სამართალი, ან ნახევრად სამართლიანობა ნიშნავს ნახევრად უსამართლობას. ეს ისე, კიდევ ერთხელ…“ – წერს ამირან სალუქვაძე.
შეგახსენებთ, რომ ჟურნალისტმა ინგა გრიგოლიამ სასამართლოს გადაწყვეტილებას, რომელიც პროკურატურას ტელევიზიიდან მასალების ამოღების უფლებას აძლევს, ტელევიზიაში შეჭრის მცდელობა უწოდა.
“ანუ ტელევიზიაში აპირებთ შემოსვლას ძალით? შემოჭრას? იმიტომ რომ არ შემოგიშვებთ ! ომი გინდათ? და მარტო იმიტომ გადაწყვიტეთ ეს, რომ ერთი კაცი გაბრაზდა? რატომ გამახსენდა შევარდნაძის დროის ,,რუსთავი ორი,,? დახურვის სურვილით აღგზნებულები რომ მიადგნენ დოკუმენტებით და მერე რითიც დამთავრდა, ყველამ ვიცით? აბა გაბედეთ!
Vato Tsereteli ხომ იცი, მრავლისმნახველი ვარ და ასეთი ამბების ფინალიც ვიცი” – წერს გრიგოლია.