მთის კურორტების განვითარების კომპანიის დირექტორის განმარტებით, ადგილზე მუდმივად მოუწოდებენ დამსვენებლებს უსაფრთხოების ნორმების დაცვისკენ და ასევე მაღალი მოქალაქეობროვი პასუხისმგებლობისკენ.
ირაკლი ჭირაქაძის თქმით, თუ მოქალაქეები არ დაიცავენ უსაფრთხოების ნორმებს და ეპიდემიოლოგიური ვითარება გაუარესდება, საბაგიროებს გააჩერებენ.
„შემოღობილია შესასვლელები, დისტანციის დაცვისა და პირბადეების გამოყენებასთან დაკავშირებით მუდმივად ვაცხადებთ მიკროფონებით. გვეხმარება დაცვის სამსახურიც. განსაზღვრული რაოდენობაა დაშვებული საბაგიროებზე და ყველანაირად ვცდილობთ დავიცვათ რეგულაციები. ყველას მოვუწოდებთ, რა თქმა უნდა, რომ თვითშეგნება იქონიონ, რადგან თუ იფეთქა ისევ პანდემიამ, მოგვიწევს საბაგიროების დაკეტვა, რაც, ცხადია, არავის უნდა“, – განაცხადა ჭირაქიძემ.
კომენტარები