“თქვენო აღმატებულებავ, ქალბატონო პრეზიდენტო, გილოცავთ დაბადების დღეს”

დეპუტატი ბექა ოდიშარია ოფიციალურ გვერდზე მილოცვას აქვეყნებს და საქართველოს პრეზიდენტს, სალომე ზურაბიშვილს დაბადების დღეს ულოცავს.
“თქვენო აღმატებულებავ, ქალბატონო პრეზიდენტო,
საქართველოს პარლამენტის დიასპორისა და კავკასიის საკითხთა კომიტეტი გილოცავთ დაბადების დღეს!
გისურვებთ ჯანმრთელობას, მხნეობას და ნაყოფიერ მოღვაწეობას ჩვენი ქვეყნის საკეთილდღეოდ!
ქალბატონო სალომე,
თქვენი და საფრანგეთში, ემიგრაციაში მყოფი თქვენი ოჯახის ისტორია საქართველოზე ზრუნვითა დ მის მომავალზე ფიქრითაა განმსჭვალული. თქვენი განვლილი გზაც და წარმატებაც სახელმწიოებრივ ასპარეზზე მრავალი ჩვენი უცხოეთში მცხოვრები ახალგაზრდა თანამემამულესთვისაა დიდი ცხოვრებისეული სტიმულის მიმცემი.
ხაზგასმით აღვნიშნავ თქვენს დამსახურებას
საქართველოს პარლამენტში და კერძოდ, დიასპორისა და კავკასიის საკითხთა კომიტეტში მოღვაწეობისას!
თქვენი ინიციატივით ახდა ქართული დიასპორის ოცნება ორმაგი მოქალაქეობის მიღების თაობაზე.
თქვენი მონაწილეობით გაჩნდა ჩანაწერი საქართველოს კონსტიტუციაში, რომელიც ყველა თაობის სახელმწიფო მოხელეებს ვალდებულებად უსაზღვრავს ზრუნვას უცხოეთში მცხოვრებ თანამემამულეებზე: “სახელმწიფო ზრუნავს უცხოეთში მცხოვრები თანამემამულეების სამშობლოსთან კავშირის შენარჩუნებასა და განვითარებაზე”.
ღმერთმა დაგლოცოთ თქვენ, თქვენი ოჯახი, ჩვენი ქვეყანა და თითოეული საქართველოს მოქალაქე” – წერს ოდიშარია.