დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, ქვეყანაში საგრძნობლად დაეცა პირბადის ტარების მაჩვენებელი.
საკოორდინაციო საბჭოს დასრულების შემდეგ გამყრელიძემ მოქალაქეებს რეგულაციის დაცვისკენ კიდევ ერთხელ მოუწოდა.
“სამწუხაროდ, რამდენიმეჯერ გავიმეორე, რომ ძალიან დაეცა პირბადის ტარების მაჩვენებელი ქვეყანაში, რაც პროგნოზულად არის ცუდი. დღევანდელი მთავარი მოწოდება ისევ და ისევ გახლავთ, რომ სტაბილურია ეპიდსიტუაცია, ერთ დონეზე ვრჩებით უკვე ორ კვირაზე ცოტა მეტია.
სამწუხაროდ ჩვენს სამეზობლოშიც არ არის მშვიდი მდგომარეობა ამ თვალსაზრისით. რისკი იმისა, რომ გაუარესდეს ეპიდსიტუაცია ნამდვილად არის. ამიტომ მეტი მოწოდება მოსახლეობას, რომ დავიცვათ ის რეკომენდაციები, რაც არის: პირველ რიგში პირბადე, დისტანცია, ხელების ხშირი დაბანა და დიდი თავშეყრებისგან თავის არიდება,” – განაცხადა ამირან გამყრელიძემ.