ამ დროისთვის პაციენტის მდგომარეობა არის მძიმე. მას უტარდება მკურნალობა რეანიმაციულ განყოფილებაში. საგანგებო მდგომარეობის მართვის სამსახურმა დაიწყო მისი თბილისში ტრანსპორტირების პროცესი, – ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
მისი თქმით, სამედიცინო პერსონალს ახალციხის „იმედის“ კლინიკაში აცრის შედეგად დაუფიქსირდა სავარაუდო გვერდითი რეაქცია.
„დღეს, 4 საათისთვის სამინისტროში შემოვიდა ინფორმაცია იმის შესახებ, რომ სამედიცინო პერსონალს ახალციხის „იმედის“ კლინიკაში აცრის შედეგად დაუფიქსირდა სავარაუდო გვერდითი რეაქცია, რომელიც შესაძლოა იყოს დაკავშირებული ვაქცინაციასთან. ამდენად, დაუყოვნებლივ დაიწყო გამოძიება ამ შემთხვევის, როგორც ეს ხდება გვერდითი მოვლენების მართვის პროტოკოლის შესაბამისად, რეგულირების სააგენტომ დაიწყო შესწავლა იმისთვის, რომ დადგინდეს მიზეზ-შედეგობრივი კავშირი დამდგარ მდგომარეობასა და ვაქცინაციას შორის. ამ დროისთვის პაციენტის მდგომარეობა არის მძიმე. მას უტარდება მკურნალობა რეანიმაციულ განყოფილებაში. საგანგებო მდგომარეობის მართვის სამსახურმა დაიწყო მისი თბილისში ტრანსპორტირების პროცესი. შემდეგომ მკურნალობა და მდგომარეობის მართვა პროცესი გაგრძელდება თბილისში“, – განაცხადა თამარ გაბუნიამ.